2012 台灣清境之旅 - Day 4

April 5 - April 10, 2012 台灣清境之旅

Day 4 清境 - 紙箱王 - 奧萬大 - 盧山溫泉

今日好好天呀~

佢地當然唔放過咁靚嘅天氣, 大家一齊來個早泳

海澄出發前已經病病地... 尋晚成晚不停地咳, 今朝一早發覺佢有D發燒...

酒店早上9:00搵人拎咗D食材比我地, 我地又嚟自製豐富早餐, 佢地拎咗咩嚟, 我地全部煮晒, 食唔晒, 拎走... HAHA

呢晚住宿真係非常滿意

好彩尋日經過呢度時記得有個醫療站, 梗係拿拿淋帶海澄嚟睇醫生先啦




其它人就去返尋日冇去到嘅紙箱王

早上的清境有大大個太陽, 天氣好好, 但一轉眼, 好快, 已經見到一埋雲飄過嚟, 個天即刻暗晒...

我地離開清境去盧山之前, 先到奧萬大...行...山...
 

 

 

 

 

 

終於見到我地的目的地... 奧萬大吊橋... 雖然望到, 但仍然有段距離... 繼續努力... 

到喇~ 到喇~ 

 

 

 

 

 

 

 

 

 

可憐海澄病緊都要跟住行山... 

 

 

好攰呀, 行咗 2個幾鐘, 終於行完, 本來想睇埋個瀑布, 但個瀑布喺另一邊, 大家都已經攰到唔想行, 唯有放棄.

跟住就去盧山




呢度間間房都有唔同設計, 每一間房入面都有一個私人溫泉
池邊有個制, 校好時間可以變做按摩池, 仲有部電視機/收音機, 一邊浸一邊睇電視或者聽收音機.

居然攞張信用咭嚟當門咭攝住...好嘢好嘢...


 

 

 

司機先生帶我地去咗呢度溫泉嘅源頭 

 

 

 

我地喺度買咗D溫泉蛋試下, 但好似普通烚蛋咁...
都係北海道D溫泉蛋好味好多... 

 

食完飯, 張生去咗嘆茶, 當然買返幾盒啦 

嘆完就返酒店浸溫泉, 阿仔同 daddy 浸完酒店公眾嗰個, 返嚟再浸房嗰個.