April 5 - April 10, 2012 台灣清境之旅
Day 2 高雄 - 集集 - 日月潭 - 清境峰情人文民宿
一早, 我地由高雄去南投, 車程要成 2個半鐘, 但係佢地已經諗定節目唔會悶...
就係玩啤牌喇 佢地玩得不知幾高興...
去到集集, 先會經過一個叫集集綠色隧道的地方, 佢係因為兩旁種植的樟樹所形成, 這些樟樹是在民國二十九年種植的，許多都已經超過五十年，是大自然珍貴的資產。
呢度仲有舊式火車行走, 但要等好耐先有一班, 難得有機會, 我地梗係喺路軌度影下相啦
火車站旁邊放了一架坦克車, 唔知係咪都係日據時期留低呢
舊式火車站
男子組
武昌宮 - 當年遇上 921大地震廟宇全毀
日月潭纜車單程只需七分鐘, 另一邊是九族文化村
後面就係九族文化村, 不過我地冇入去, 因為唔夠時間玩
呢日大霧都不得了, 遠少少都已經睇唔到.
因為今晚我地會 BBQ, 所以我地途經埔里時, 搵咗間大型超市, 買齊食物, 飲品, 就往清境出發...
呢間就係我地今晚住嘅清境峰情人文民宿獨棟別墅, 有d渡假屋 feel, d嘢就舊d, 餐具/煮食用具都好似好耐冇人用的感覺, 其它大致上都 ok
地下果層有兩間房, 一間雙人房, 一間四人房, 都有獨立洗手間
上到樓上, 再有兩間房, 兩間都係四人房, 都有獨立洗手間.
樓上仲有好多空位, 加上佢地提供咗好多床墊被舖, 任你點舖點瞓都得
其實佢屋外有個好大花園, 本來係喺花園個亭度燒烤, 不過呢晚落雨, 成個草地都溼晒, 根本出唔到去燒...
結果我地搬咗個爐埋去門口邊, 派咗 3個人負責燒, 其他人負責食... haha...
但係因為燒得太慢喇...結果我地拎咗部份牛扒/羊扒/腸仔去廚房度煎 ~
司機介紹我地買呢D新鮮筍燒嚟食, 只要燒到外面開始有點焦, 就食得. 真係又幾好味. 不過呢個爆谷就好睇唔好食.
沒有留言:
張貼留言