2012 台灣清境之旅 - Day 3

April 5 - April 10, 2012 台灣清境之旅

Day 3 清境商店街 - 小瑞士花園 - 青青草原 - 普羅旺斯玫瑰莊園

今早一起身, 第一時間出去屋外睇下咩天氣...點知...又落雨...
我地 hea 到11:00先叫返尋晚車我地個伯伯嚟收鎖匙. 之後就去咗商店街行吓
周圍都好大霧呀~

清境一共有 7間 7-11, 最高喺2050公尺, 第二高就係小瑞士呢間, 喺1750公尺高!

一去到又買嘢食  

呢度唔係好大, 得幾間商店, 都係賣下d同羊呀, 牛呀有關嘅嘢.

行完呢度, 我地行上少少, 去咗國民賓館, 之後喺入面搵咗間飯店食午餐

對面就係小瑞士花園, 但太大霧喇, 又落緊雨, 所以都冇入到去~

之後, 我地就去咗青青草原睇綿羊... (應該係睇霧之真...)

呢隻半係剪咗毛嘅

呢隻就重未剪嘅

本來係有個澳洲人喺度表演剪羊毛, 但係因為真係太大霧, 所以乜都睇唔到, 未做完個 show 我地已經走 lu...

今晚我地 book 咗普羅旺斯整幢別墅, 有暖水泳池, 有 spa, 有卡拉ok... 我地個個都寧願早d去 check-in...

個 view 真係好正呀~ 好舒服呀~

Marco 同 Tiffany 第一時間換咗泳衣泳褲就跳咗落去玩....

Tiffany 本來有d病唔舒服, 依家有得玩就咩病都冇, 精神晒...

到晚餐的時候, 本來都諗緊要唔要出去行下, 但一來外面又大霧, 又不時有微微細雨, 房租又包咗一人一個晚餐, 所以個個都寧願留喺屋裡面唔願出去... haha...
不過個晚餐只係普通意粉, 轉其他菜式要補錢. 另外仲有生果籃, 即磨咖啡... 加上前一晚我地有好多嘢未食晒, 又有好多飲品未飲晒, 所以都好豐富.

仲送咗兩支紅酒比我地 tim 呀!

食完飯, 發覺唔見咗老公, 以為佢一齊出咗去買啤酒同煙花(最後買唔到), 點知又唔係, 以為佢瞓咗(通常佢飲飽食醉就想瞓), 點知又唔喺房... 原來佢自己又走咗出去浸溫泉(呀...唔係...應該係熱水至真 haha)