因為佢開 10:00 如果晏咗撞正午飯時間會好多人, 所以我地唯有提早去, 10:00 左右我地就到咗喇, 雖然唔駛等位, 但入面已經有好多人食緊喇
呢間店仍然保留韓屋特色
入去都要除鞋席地而坐, 坐得耐真係腳都痺
下面左邊第一個 삼계탕 14,000won, 我地叫咗兩個 share 食
呢度D泡菜蘿蔔都係任食嘅, 不過佢兩個都唔食, 得我一個食
嘩~ 人蔘雞嚟嘞, 見到D湯仲滾緊
雞入面除咗有米同栗子之外, 真係有條人蔘喺度, 証明冇詭人
每一碗雞湯都附有一小杯酒, 你可以飲, 我地就倒埋落去個湯度
食雞時少少鹽同胡椒粉食, D湯都好好飲
不過最後我地都食唔晒
食飽飽之後, 下一站... 又係食? 冇錯, 就係去其中一位團友個韓國老細介紹我地去食紅豆粥的地方, 就喺京福宮遠少少...
我地先經過景福宮
之後由光化門出嚟再轉左, 沿住景福宮外邊慢慢行, 果間食紅豆粥ge地方就係喺三清洞
沿途有好多 coffee shop
就係呢一間嘞, 之前啱啱睇咗集東方神起做嘉賓的 TAXI 節目, 主持人都係帶咗佢地嚟呢度食紅豆粥, 睇嚟真係好出名咁...
間舖唔係好大, 得幾張枱, 我地只係叫咗一碗嚟大家試下, 話晒頭先隻雞都仲未落隔...
都幾好味, 但我就覺得甜咗D喇
好, 食完又出發, 去附近的北村韓屋行下...
我地行行下, 其實都唔知行咗去邊, 好彩見到有3個觀光社職員喺度. 佢地著住件紅色背心, 上面寫住中文, 英文, 日文, 遊客揀返自己識ge語言去求助就得. 我地就問咗佢拍韓劇個人趣向果間韓屋喺邊, 初初佢都唔明我地問咩, 後尾一講李民浩, 佢就知喇... 呢間就係拍個人趣向果間韓屋喇
行完呢度, 我地搭地鐵去新村站, 原本諗住搵果間食抄八爪魚, 先發覺原來唔記得帶旅遊資料, 地址/地圖乜都冇, 又會咁大懵...
跟住我地就去搵 CAFE 諗住借電腦上網, 因為之前見過好多間 CAFE 都有免費電腦用, 不過通常都係咁, 唔用嘅時候就會見到好多, 當你要用的嘅時候就搵唔到. 我地入咗好多間都冇, 最後去咗 STARBUCKS, 問咗果度做緊功課嘅大學生借. 佢地都好 nice, 個男仔即刻借咗佢部 notebook 比我地用. 真係唔該晒 com sa ha ni da~
跟住我地就去搵 CAFE 諗住借電腦上網, 因為之前見過好多間 CAFE 都有免費電腦用, 不過通常都係咁, 唔用嘅時候就會見到好多, 當你要用的嘅時候就搵唔到. 我地入咗好多間都冇, 最後去咗 STARBUCKS, 問咗果度做緊功課嘅大學生借. 佢地都好 nice, 個男仔即刻借咗佢部 notebook 比我地用. 真係唔該晒 com sa ha ni da~
結果, 果餐 lunch 就係度解決...
食飽繼續出發, 行行下... 冇意中比我地發現賢重代言果間炸雞店
新村Hotsun Chicken 新村站 3號出口沿大街一直行，會見到第一個分义路口，跟住向右轉入橫街
由於剛剛先食飽, 所以繼續行, 我地冇地圖, 純粹憑感覺, 邊度人多就行邊度, 結果, 又比我地行咗去梨大喎
沿途會經過拍燦爛的遺產果間舖
韓劇秘密花園好好睇, 見到社長(玄彬), 梗係要影下啦... haha
路邊賣燒餅, 不過仍然好飽, 冇試
我地行行行... 由梨大又行返去新村, 因為我地今晚要食春川炒辣雞, 呢間舖喺好多旅遊書都有介紹, 新村站 1號出口直行, 見到百貨公司轉右, 過晒整棟百貨公司望過去斜對面 corner 位就係.
炒到D雞熟喇, 就會加麵條再炒, 然後會夾起麵條食咗先, 如果唔係會痴底.
D麵煙煙 un un好好味, 又夠辣 (我鍾意食辣), 真係冇介紹錯. 不過, 佢一定要以人頭計, 冇得3個人叫 2人份量. 所以我地食唔晒. 我見人地食到最後仲可以加飯落去炒, 好似好好味咁, 下次有機會都想試下~
食飽就行咗去對面間百貨公司度睇下有咩睇... 見到容和呀!!! 又影...
行咗一陣, 雖然仍然好飽, 但見賢重代言間炸雞就喺隔離, 冇理由唔幫襯下架, 結果, 我地又走去食炸雞...
好開心呀, 四周圍同埋本 menu 都係賢重, 真係好想攞佢一本返屋企呀!
好開心呀, 四周圍同埋本 menu 都係賢重, 真係好想攞佢一本返屋企呀!
D炸雞好好味, 不過覺得貴咗D, 印象中要萬幾兩萬won一碟
我地一定唔會食得晒啦, 打包拎走...
最後老闆送咗張poster同坐枱月曆比我地. 開心死~
呢個就係個月曆d相喇
跟住我地就向盤浦大橋出發
盤浦大橋彩虹噴泉 由新村坐地鐵 2號線到乙支路三街轉 3號線高速巴士客運站 8號出口
一出地鐵站要經過好多商舖, 直行到尾先係 8號出口, 原本諗住睇 8點幾果場噴泉, 但太多誘惑, 臨時更改睇 9點幾果場... ^^
行到咁上下, 我地就行出去搵到盤浦大橋, 沿住馬路左邊行人路一路向前行, 行到差不多到橋尾, 覺得奇怪點解仲未有樓梯落去橋底, 果度冇乜街燈, 又黑, 隔離D車呼呼聲咁高速經過, 都唔知有冇行錯路, 之後見到有人轉左入咗去個屋苑度, 咁我地就諗屋苑入面可能有通道過去, 所以就跟住入咗個屋苑, 點知, 行呀, 行呀, 仲未見到有路口出去, 就搵咗個跑緊步嘅人問啦, 佢就指住前面, 叫我地繼續向前行, 咁我地又繼續向前行, 行到好遠, 佢個屋苑鬼咁大, 又黑, 又靜, 三個女仔都有D驚, 行行下見到有個女仔, 於是又問下佢啦, 佢又係叫我地繼續向前行, 話前面轉右出返去就會見到隧道. 於是我地又繼續行, 終於, 我地見到隧道喇, 穿過隧道到咗江邊, 原來呢度又另一景象, 有小朋友喺公園度玩, 籃球場有人打緊波, 有人踩單車, 有人跑步...
我地環顧一下四周, 發現原來我地行咗好遠, 行多咗成個長方形, 要行返轉頭... T_T
後面圓形個建築物就係韓劇 IRIS 果個總部
一出地鐵站要經過好多商舖, 直行到尾先係 8號出口, 原本諗住睇 8點幾果場噴泉, 但太多誘惑, 臨時更改睇 9點幾果場... ^^
行到咁上下, 我地就行出去搵到盤浦大橋, 沿住馬路左邊行人路一路向前行, 行到差不多到橋尾, 覺得奇怪點解仲未有樓梯落去橋底, 果度冇乜街燈, 又黑, 隔離D車呼呼聲咁高速經過, 都唔知有冇行錯路, 之後見到有人轉左入咗去個屋苑度, 咁我地就諗屋苑入面可能有通道過去, 所以就跟住入咗個屋苑, 點知, 行呀, 行呀, 仲未見到有路口出去, 就搵咗個跑緊步嘅人問啦, 佢就指住前面, 叫我地繼續向前行, 咁我地又繼續向前行, 行到好遠, 佢個屋苑鬼咁大, 又黑, 又靜, 三個女仔都有D驚, 行行下見到有個女仔, 於是又問下佢啦, 佢又係叫我地繼續向前行, 話前面轉右出返去就會見到隧道. 於是我地又繼續行, 終於, 我地見到隧道喇, 穿過隧道到咗江邊, 原來呢度又另一景象, 有小朋友喺公園度玩, 籃球場有人打緊波, 有人踩單車, 有人跑步...
我地環顧一下四周, 發現原來我地行咗好遠, 行多咗成個長方形, 要行返轉頭... T_T
後面圓形個建築物就係韓劇 IRIS 果個總部
呢度可以見到對面首爾塔
行行下, 突然離遠見到條橋開晒燈, 開始噴水, 但係距離實在太遠, 又行到好鬼攰, 根本唔想跑 (係跑唔郁), 諗住唔緊要, 反正好快又有下一場, 所以我地繼續慢慢行, 影下相...
終於行到喇, 見到仍有好多人喺度傾計, 我地搵咗個位坐底一邊傾計一邊等...
點知, 等下等下... 記得上網睇過最尾一場係10:00 結果過咗 10:00 都仲未開始, 我地搵咗個人問下, 點知佢話, 原來近來政府節約用水, 所以依家表演時段減少咗...
噢~ 真係想喊, 我地特登坐車嚟, 又行多咗咁多冤枉路... 果度又凍... 結果冇得睇... 嗚嗚... T_T
其實我地都係因為花樣男子智厚同絲草曾到此地, 我地先知有呢個景點
呢張相係喺其他人個網頁度借過嚟... 有機會我一定會再嚟架!
SHOPPING 嘅時候送咗D試用裝, 韓國真係好乾, 要補補溼...
SHOPPING 嘅時候送咗D試用裝, 韓國真係好乾, 要補補溼...
沒有留言:
張貼留言