介紹完住的地方，便要開始我們 4日的行程。
放低行李，拍照完畢，我們便到對面的首爾車站坐地鐵 4號線往明洞。
我們選擇買普通單程票，沒有買儲值的那一款Money咭，因為退咭時那 2500won 是不會退回的，雖然每一程可以便宜 100won~
基本上如果唔係去得太遠，車費都是 1000won，但因有押金 500won，所以每次都要先付1500won，然後每次出閘後於站內的押金退回機再退回 500won。
我們經過站內的這家小食店，買了這一款像雞蛋仔的東西吃，裡面有熱騰騰的粟米蓉，非常好吃。之後我們有幾次經過這裡都有買來吃。
一出到地面... 噢~ 還在下大雨...
我們先找了一家兌換店，換好了錢原本便打算開始血拼，但恰巧給我們看到原定今晚吃飯的地方，所以就改為先吃飯。
這就是網友介紹的明洞全洲中央會館，食石頭窩飯的。
餐牌只有兩版，選擇不多...
大部份客人都係叫石頭窩飯，所以我地都叫了兩個
再加一個冷麵，求其揀的，麻麻地...味道有點酸酸地...
雖然個石頭窩飯上枱時排得很整齊，但都要拌勻來吃
即菇、瓜、豆、所以拌勻之前要先揀出來
結果發現只剩下肉絲和蛋...
另一位團友又話唔食酸菜，所以又揀...
最後我嗰碗就有很多餸 ^^
食飽飽之後，我們就去 shopping ~
每一間化妝品店門前都有代言人個紙公仔，見唔到真人，惟有同紙人影相... haha 其實香港都有代言人紙公仔，唔知有冇人會喺 Osim 門口同劉德華影相呢... hehe
掃完一輪化妝護膚品，就去咗 Dunkin Donut 度坐一坐，飲杯嘢，借埋個廁所
之後再行咗一陣，大概10點幾，買齊要買嘅嘢，我地就再坐地鐵去東大門繼續... 已經一袋二袋...
出咗地鐵站行過對面就係 apm，不過我地睇網上/旅遊書介紹，都係話主力行 doota! 一間就夠，所以我地都係去咗 doota! 先...
最後，我地行到凌晨點幾，先搭的士返 S.A
沒有留言:
張貼留言