Miyabi Japanese Fine Dining

尋晚同幾個好朋友去咗尖沙咀 The One, Miyabi 度食日本餐, 本來係要為其中一位朋友慶祝生日, 但因為佢係呢間餐廳集團的老闆之一, 佢堅持要請我地, 所以最後變咗壽星請, 呢餐唔駛錢, 多謝晒 ~ 

先嚟刺身, 有油甘魚, 秋刀魚, 帶子同螺


池魚薄切

我食日本餐最喜愛飲的梅酒 

白蝦壽司同赤貝壽司, 好好味好新鮮, 塊赤貝好爽, 白蝦壽司每次嚟都會食, 但唔係時時有得食

天婦羅, 蝦腳炸咗好香口可以食埋, 蕃薯一大舊去炸, 外面塊皮好脆, 比一片片的仲要好食.

牛柳厚切, 配埋蒜片一齊食

甜品, 白芝麻唔知咩, blueberry cheesecake & 生果

由於只係顧住食, 忘記了影合照, 成晚淨係得呢一張, 本來仲要係影到好黑, 乜都睇唔倒, 不過我調光咗 hehe

餐廳正門

一入門口, 會見到好大個 "a" 字, 係代表佢地集團 Ambrosia


可以揀坐 outdoor, 年初二, 七一仲可以睇埋煙花, 不過好多時都好大風, 食晚飯好似唔係好適合.
不過就可以過去隔離同一個集團的酒吧同朋友飲下嘢傾下計, 都幾好.

舊年媽咪生日都有嚟食過, 果次食 teppanyaki, 三個人share食兩個set, 好飽...
多謝老闆娘送比我媽咪的生日蛋糕, 好好味~

前菜, 紅色圓形嗰個係去咗皮嘅蕃茄嚟架

唔少得梅酒

鵝肝, 連埋片青蘋果(唔記得, 好似係) 一齊食冇咁漏

鮑片 & 龍蝦
我地呢次係坐鐵板燒枱, 所以係全程一邊食, 一邊睇住師傅整

帶子

因為叫咗兩個 set, 所以可以揀兩款牛, 我地揀咗美國安格斯同澳洲和牛, 但係食完都唔知邊碟係邊款, 總之兩款都好好味啦 

燒雜菜

炒飯


個龍蝦頭煲湯

最後仲有甜品~ 呢款係天婦羅雪糕, 外面炸到熱辣辣脆卜卜, 裡面雪糕仲係一球冇變奶昔, 仲有兩款醬汁揀, 一款係士多啤梨, 另一款唔記得係咩

老闆娘話呢個甜品叫六神合體, 唔係時時有得食, 要夾啱有先得, 果日我地有幸食到 ~ 

另外, 又有一次就同另外兩個好朋友去食, 都係叫咗兩個鐵板 set

間唔中, 老公都會同D客上去食 ~ 睇見都流口水