一早起身, 即刻望吓外面嘅海景 (因為前一晚回來時已經很晚, 乜都睇唔到).....發覺樓層太低了, 海景都被大椰樹遮晒.....枉我們還突登比貴 D, 都要揀海景房,.....所以我們去了大堂找職員傾傾, 睇吓佢地可唔可以換過第二間比我地.....
Daddy 平時喺屋企通常都係最遲嗰個起身的, 但每逢去旅行, 佢都會自動自覺起身, 唔洗我三催四請....因為佢要早 D 落去食早餐喎.....
早餐好豐富, 好多選擇.....樣樣都想食.....都唔知食邊樣先好......
Marco 同 Tiffany 都已經整裝待發, 準備今日第一日嘅行程.....
我地呢個 package 係包埋一個半日嘅 city tour, 佢帶咗我地去兩個景點, 不過, 依家已經唔記得咗個地方名是乜 lu .......
呢位就係接我地機嗰個導遊喇.....佢依家喺度介紹緊其它收費活動.......例如, 去紅樹林睇長鼻猴/螢火蟲, 出小島暢泳, 激流.....等等
呢個就係其中一個景點.....隻鹿同背後好似電芯咁嘅大廈係有特別意思嘅.....不過, 都係唔記得.....(@@唔該晒喎...!)
呢個就係第二個景點....水上清真寺
之後, 佢帶咗我地去行一間類似賣手信嘅地方....嗰度有得試食...有得試飲...連藥酒都可以試搽...試啱先至買.....
我地幾個人試咗佢好多碗肉骨茶.....最後梗係有買....很容易煲的, 每一盒有一包粉狀嘅香料, 只要加三個蒜頭, 一些楜椒粒, 幾隻冬菇, 同埋適量肉排一齊煲就得喇. 我屋企仲有兩盒, 想試嘅就快D嚟我屋企食飯啦....我煲比你飲.....歡迎歡迎!!!
佢話嗰包香料入面就係有齊以下咁多種中草藥喇...
另外.....我地都有買左邊呢隻追風油....我地都有試過....真係搽咗一陣.....就有熱熱地嘅感覺...不過....其實買咗返屋企之後都好少搽 (正確係冇搽過)
買完乾貨, 佢梗係帶埋我地去買溼貨啦!!! 呢間舖就係賣急凍海鮮喇....
睇吓D價錢, 的確係比香港稍平嘅, 但計落其實都唔算好平架....
最多人買嘅就係呢D海虎蝦, 見唔見包裝上面嘅 "7" 字? 就係代表呢包有7隻蝦咁解, 有D得 5隻...越少隻數, 即是代表隻蝦越大隻, 我試過將隻蝦拉長, 足足有成呎長架...
呢D就係當地好出名嘅雪條手信喇....我覺得榴槤係最好味嘅!
買好晒之後, 佢地會幫你 pack 好, 並貼上寫咗姓名/電話/回港航班資料嘅貼紙, 我因為怕同其它人一樣, 所以再喺箱面畫上大大個嘜頭 tim....易認 D 嘛!
....買完手信...佢就帶咗我地去一間叫做 "美家松林" 嘅地方, 食咗個當地小食...(包嘅)
當地小食就係有薄餅(有兩種醬, 兩種都好味), 桔仔冰, 同埋魚丸湯...
食完小食, 我地就返酒店...呢個 package 包嘅半天 city tour 就完喇!!!
沒有留言:
張貼留言