今年暑假, 我們去沙巴享受了一個陽光與海灘的假期.
我地連大連細一共 8個人, 同行者仲有 Annie, Bonnie, 豆雞同阿 Lam....
我地每次旅行都係選擇自遊行, 因為唔鍾意跟團被束縛, 比較鍾意想去邊就去邊....
我們是坐下午飛機, 香港當日天氣麻麻, 落住毛毛細雨, 但仍無損小朋友去旅行坐飛機的心情....
下午差不多四點起飛, 於差不多七點到達 Kota Kinabalu.
到達機場之後, 我地梗係記得要去攞張 KK 市嘅地圖啦, 方便日後自己四圍去嘛...
我地呢個 package 原來係有當地導遊到機埸接我們去酒店嘅, 在車上, 佢已不斷地介紹有 D 乜嘢玩, 有 D 乜嘢好食.
我地住嘅酒店係 Shangri-La Tanjung Aru Resort 非常靚, 非常正!!!
我地攞咗房, 放低行李, 拿拿淋就搭的士出 town, 去 "海王城" 吃晚飯
呢度 D 海鮮唔算貴, 但亦都唔係話好平.... 我地坐低....先嗌咗杯當地好出名嘅桔仔冰嚟試吓.....唔.....真係幾好味喎.....
佢地話第一日嚟到, 梗係要豪一豪佢.....所以呢餐就豐富囉.......有 D 乜?........
首先, 頭三樣先到嘅係.......炒通菜, 炒蕃薯苗同埋 "C墈" (唔識寫...希望你地估到)
跟住係炒象拔蚌仔......正!!!
再嚟係奶油蝦....又係當地好出名嘅.....亦都係好好味.....YUMMY!!!
之後重有椒鹽瀨尿蝦....
鮑魚....
東星班.....
最後再嚟個蟹子炒飯....
要特別一提.......連個送嘅蜆湯........隻蜆都有 Marco 隻手咁大....重好鮮味添......
飯後甜品....又係當地好出名嘅雪條....我覺得榴槤味係最好味嘅....
食飽飽之後, 就返酒店休息.........
沒有留言:
張貼留言