今日，我們同表姐一家趁住暑假小朋友可以免費搭機場快線，而我就因為有港鐵員工帶住，可以半價，即日回程重免費 tim (我表姐一家係港鐵員工及家屬，佢地當然都係免費啦) 於是便去了機場二號客運大樓度行吓，諗住睇吓 4D電影，順便搭吓機鐵 (咁耐都未搭過)....
我地買了套票，大小同價 $99，都唔知算抵定唔抵....
(參考網址: http://www.mclcinema.com/popup.html )
4D 電影 "LEGO反斗賽車王"
套片時間好短，大約只有 12分鐘左右，有煙，有風，有噴泡泡，有灑雨.....Marco 就話好睇，想睇多次....
4D 超動感歷程 "飛越侏羅紀"
套片時間比 "賽車王" 重短，大約只有 7分鐘左右，未睇前 Marco 已經話唔想睇恐龍，加上後尾知道張椅原來是會跟著動的，所以臨入埸前都有D擔心佢地三個細路會被嚇驚....但結果佢地居然又唔係好驚咋喎，淨係見思穎(我表姐個女)有用雙手遮住對眼....我諗可能係因為我地坐最後嗰行....感覺上冇咁驚啦.....
I-Sports
一個類似冒險樂園嘅地方，雖然話免費送一個指定遊戲 (射籃球機)，但係好多人排隊........一個代幣 $2蚊又好似唔係好抵玩........查實係冇乜嘢好玩.......所以最後乜都冇玩就走咗.....
星光無間
免費入埸，諗住入去都係影吓相咁啦.....不過裡面有一個叫做 "星夢奇園"，係比你企喺入面做動作，然後再 post 番上個背景度，變成一小段影片，一共好似有三個不同版本! 如果覺得自己做得好，重可以比$40買番隻DVD.......最大嘅樂趣就係睇 D 人喺度發揮佢地嘅演戲天份，有 D 人做得真係好搞笑，亦有人做得好好，就例如排我地前面個哥哥仔，佢做得好放，出嚟嘅效果好迫真，我地都拍晒手掌......
我地都派咗三位小演員去玩吓.......大家睇吓佢地做成點?
沒有留言:
張貼留言