Hong Kong Disneyland

因為今年最後決定唔帶 D 細路去旅行, 所以喺暑假期間搵咗一日, 帶佢地去 Disneyland 玩吓, 當係補番數....而且表姐夫識人, 買飛有得平....
嗰日陽光普照, 非常炎熱..... 我地兵分兩路, 一D人搭 R42 去, 一D人就搭港鐵去......原來 R42 平日只得一班車咋...好在一早睇咗時間表.  巴士車程好快, 半個鍾左右就已經到咗, 快過 "港鐵隊" 好多.
我地到咗之後, 先去排隊幫 German 兩個表弟買飛 (後來加入, 買唔切平飛), 之後四圍影吓相, 等咗一陣, 終於齊人, 可以入去玩喇....
其實 Marco 同 Tiffany 細個時已經去過, 不過可能始終係細, 冇乜記憶咁, 所以今次去到, 佢兩個都勁興奮, 四圍跑跑跳跳......佢兩個 D 汗簡直未停過......
一入到去, 筱蔓就帶住班靚一支箭咁走咗去巴司光年度, 我梗係唔跑, 慢慢行過去....點知去到嘅時候, 佢地已經排到去就嚟轉入室內, 我又唔可以由尾行返去佢地嗰度, 因為後面已經有好多人, 咁我企喺佢地嘅隔離一行, 諗緊點算嘅時候, 筱蔓已經叫我快 D 跨過去, 緊住 Marco 同 Tiffany 唔知係咪嗰排睇得奧運多....係咁拍晒手, 叫 "媽咪加油" "媽咪加油".....攪到後面 D人都望住晒我......好在我冇 PK....好順利咁跨咗入去.....但係.....就有個工作人員行埋嚟向我訓示了一番.......我一於好少理, 淨係答佢一句, 我要搵番 D 細路嘛!!!
之後, 可能我地太多人, 步伐有點慢, 結果唔係玩咗好多嘢, 馳車天地都係玩咗一次咋....
玩到差不多7點時, 我地冇睇煙花就走. 之後去咗東涌食埋飯先返屋企.
走嘅時候, Marco 已經係咁問: "我地幾時再去過.....?" "我好想再玩多一次馳車天地...."

Marco! Tiffany! 出力呀!!!........你地頂唔頂得住呀?
Marco: 呀~~ 好重呀......我.....我....就嚟冇力啦.....!!!
Tiffany: 嘻! 好輕之嘛....我都唔洗出力嘅!


海澄...妳負責揸車呀?...好似信心十足咁款喎.....
結果係.........
架車勁擺.........
一時"西"去左.......一時"西"去右.......
好似玩緊碰碰車咁.....
阿女....咁攪法.....媽咪條頸點醫都醫唔好架喇.......


唉.....Daddy....乜解究你成日都咁多電話架........傾極都傾唔完.....


張相係咪影得好靚呢? 

Mission X

今日，我們同表姐一家趁住暑假小朋友可以免費搭機場快線，而我就因為有港鐵員工帶住，可以半價，即日回程重免費 tim (我表姐一家係港鐵員工及家屬，佢地當然都係免費啦) 於是便去了機場二號客運大樓度行吓，諗住睇吓 4D電影，順便搭吓機鐵 (咁耐都未搭過)....

我地買了套票，大小同價 $99，都唔知算抵定唔抵....

(參考網址: http://www.mclcinema.com/popup.html )
4D 電影 "LEGO反斗賽車王"
套片時間好短，大約只有 12分鐘左右，有煙，有風，有噴泡泡，有灑雨.....Marco 就話好睇，想睇多次....
4D 超動感歷程 "飛越侏羅紀"
套片時間比 "賽車王" 重短，大約只有 7分鐘左右，未睇前 Marco 已經話唔想睇恐龍，加上後尾知道張椅原來是會跟著動的，所以臨入埸前都有D擔心佢地三個細路會被嚇驚....但結果佢地居然又唔係好驚咋喎，淨係見思穎(我表姐個女)有用雙手遮住對眼....我諗可能係因為我地坐最後嗰行....感覺上冇咁驚啦.....
I-Sports
一個類似冒險樂園嘅地方，雖然話免費送一個指定遊戲 (射籃球機)，但係好多人排隊........一個代幣 $2蚊又好似唔係好抵玩........查實係冇乜嘢好玩.......所以最後乜都冇玩就走咗.....
星光無間
免費入埸，諗住入去都係影吓相咁啦.....不過裡面有一個叫做 "星夢奇園"，係比你企喺入面做動作，然後再 post 番上個背景度，變成一小段影片，一共好似有三個不同版本! 如果覺得自己做得好，重可以比$40買番隻DVD.......最大嘅樂趣就係睇 D 人喺度發揮佢地嘅演戲天份，有 D 人做得真係好搞笑，亦有人做得好好，就例如排我地前面個哥哥仔，佢做得好放，出嚟嘅效果好迫真，我地都拍晒手掌......
我地都派咗三位小演員去玩吓.......大家睇吓佢地做成點?

Marco 跳舞 ~ "鬥牛"

這是去年十月 Marco 尚未夠 6歲時第一次參加的跳舞比賽...
其實當時佢只係學咗二.三個月咋, 都算係咁架喇!!

Marco 起初已經同我講, 話佢唔鍾意跳舞架喇, 不過我唔理佢, 諗住迫吓迫吓就會鍾意啦! 點知, 佢就成日同我講話...."媽咪....我唔想去學跳舞呀"...."媽咪....我都唔鍾意跳舞"......"媽咪......我最憎就係跳舞".......仲要比個好 sad 嘅樣你睇喎.....
同埋, 當佢知道要去參加比賽開始, 一直都唔開心, 到咗比賽場地之後, 重一直冇笑過 tim......係直到攞咗個獎喇.....先至見到佢笑番咋........

丫! 佢攞咗獎之後, 居然同我講話佢好鍾意跳舞喎....仲話要教我跳 tim......搞到我鬼死咁開心.......
但係.......只不過係幾日.....佢又同我講話佢唔想去跳舞, 重問我....知唔知一個星期入面, 佢最唔鍾意係邊一日, 我諗都唔洗諗就答佢話 "係星期六丫麻", 佢即刻覺得好奇怪咁望住我問 "點解你會知架", 跟住我就話 "因為星期六你要去學跳舞丫麻"........
就係咁....我最後放棄.....唔迫佢了!!!